Happy BirthDay Dear Father

اصولا تو یہ پوسٹ وہیں سے شروع ہونی چاہیے تھی.
 لیکن چونکہ ہر اک بے جاں تکلف سے بغاوت کا ہمارا پکا ارادہ ہے.اب لوگوں نے اصول بنا لیا ہے تو کیا کیا جائے بھئی....بلکل ویسے جیسے آپ کہتے ہیں نا کہ لوگوں نے کہہ دیا تو اب کیا حدیث ہوگیا.ایسے ہی لوگوں نے باقاعدہ ابتدائیہ اختتامیہ نفس مضمون ایجاد کر لیے تو حدیث تو نہیں ہوگیا نا. لہذا اس کے شروع میں ایسا کچھ نہیں ہے کہ یو آر بیسٹ فادر__ (جو آپ ہیں)
 بتانا صرف یہ تھا کہ غور کرنے پر معلوم ہوا ہے ہم سب میں تھوڑے تھوڑے آپ جیتے ہیں.
کسی کے فیچرز میں،کسی کی ایٹنگ ہیبٹس میں کسی کے دوست بنانے میں_____اور میرے بلڈ گروپ سے __ سر جھٹک کے ہونہہ کہنے میں وہ جو کہہ کے میں اپنا آفیشل رسپانس دیتی ہوں ہر اس بات پر جہاں ناگواری آنکھوں سے چھلکنے لگے.
 آپ کو پتا ہے ہم سب نے فل آف ایکسپریشنز آنکھیں آپ سے لی ہیں.جیسے میرے دوست کہتے ہیں تمہاری آنکھوں سے موڈ پتا چل جاتا ہے ویسی آنکھیں..ہم سب نے لیننٹ ہونا آپ سے سیکھا ہے. آپ ہمارے رویوں میں تھوڑا تھوڑا جیتے ہیں.اور جب آپ کہتے ہیں تم سب میرے جگر کے ٹکرے ہو تو مجھے اپنے بلکی ہونے پر فخر ہوتا ہے کیونکہ پھر میں زیادہ سپیس گھیروں گی جگر میں.اور جب آپ چھوٹی سی اچیومنٹ پہ زیادہ خوش ہوتے ہیں تو ہم میں پورا جینے لگتے ہیں.
 آپ کو پتا ہے میرے ذہن کا کوئی گوشہ اسی لمحے میں ساکت ہے اور میرے دل پر وہ بات نقش___ جب آپ نے بتایا تھا میں نے تمہارے پیدا ہونے پر حطیم میں نفل پڑھے تھے...اور میرا دل چند ثانیے کے لیے ٹہر گیا تھا. جس معاشرے میں بیٹی کی پیدائش ناقابل معافی جرم ہو وہاں آپ بیٹی کو بھروسہ اور یقین بخش کر فیصلے کی آزادی دے کر معتبر کر دیں تو آپ کو ولی ہی کہا جا سکتا ہے..رب کا دوست، لیننٹ، سافٹ اور محبت کرنے والا.
 لکھنا چاہوں بھی تو نہی لکھ سکتی..بتانا چاہوں بھی تو نہی بتا سکتی..آپ سے جتنی بھی محبت کرلیں پھر بھی اس سے کم ہوگی وہ جو آپ کرتے ہیں ہم سے..
بس یہ کہ ہیپی والا برڈے ابا.
آپ کو حشر کی صبح بھی دائم دیکھنا چاہتے ہیں آپ کے بچے.:-* 💝